सिंधुदुर्ग जिल्ह्यात सुरू असलेल्या संघटनात्मक कार्याचे पवार यांनी केले कौतुक
💫कुडाळ दि.१९-: राष्ट्रवादी काँग्रेसचे राष्ट्रीय अध्यक्ष खासदार शरद पवार यांची राष्ट्रवादी काँग्रेसचे सिंधुदुर्ग जिल्हाध्यक्ष अमित सामंत यांनी मुंबई येथे भेट घेऊन जिल्ह्यातील पक्ष संघटना वर्षपुर्ती अहवाल सादर केला. यावेळी पवार यांनी सिंधुदुर्ग जिल्ह्यात सुरू असलेल्या संघटनात्मक कार्याचे कौतुक करीत जिल्ह्यातील सर्व पदाधिकाऱ्यांचे अभिनंदन केले. यावेळी त्यांनी पक्षाची ध्येय धोरणे तळागाळातील सामान्य घटकांपर्यत पोहचविण्यासाठी प्रयत्न करा, असे सांगितले.
जिल्ह्यात चाललेल्या पक्ष संघटनेच्या कामकाजाची पवार यांनी माहीती जाणून घेतली. सिंधुदूर्ग जिल्ह्यात सद्यस्थितीत चांगले काम सुरू आहे असे सांगून सुरू असलेल्या संघटनात्मक कार्याचे कौतुक केले. सिंधूदूर्ग जिल्ह्यातील विविध विकासात्मक प्रश्नावर आपले पूर्ण सहकार्य असल्याचे सांगून जिल्ह्य़ातील आघाडीच्या कामकाजाचीही आतुरतेने चौकशी पवार यांनी केली. यावेळी गृहनिर्माण मंत्री जितेंद्र आव्हाड, खासदार सुप्रिया सुळे उपस्थित होते.
