सभापती मनोज रावराणे यांचे संदीप मेस्त्री यांना आश्वासन
*⚡कणकवली दि.३०-:* कलमठ गावाला कायमस्वरूपी ग्रामविकास अधिकारी द्या अशी मागणी कलमठ ग्रा. प. सदस्य संदीप मेस्त्री यांनी कणकवली पंचायत समिती सभापती मनोज रावराणे व गटविकास अधिकारी अरुण चव्हाण यांच्याकडे केली आहे.सभापती मनोज रावराणे यांनी यावेळी सकारात्मकपणे लवकरात लवकर कलमठ गावाला कायमस्वरूपी ग्रामविकास अधिकारी देण्याचे आश्वासन दिले. कलमठ गावातील ग्रामविकास अधिकारी पदी गेले ४ महीने प्रभारी असल्याने गावात काम करताना मोठ्या अडचणीला सामोरे जावे लागत आहे. कलमठ गाव विस्तार आणी लोकसंख्या पाहता कायमस्वरूपी ग्रामविकास अधिकारी असणे गरजेचे आहे. कोविड काळात देखील कलमठ गाव हॉटस्पॉट असताना ग्रामविकास अधिकारी प्रभारी व आठवड्यातुन फ़क्त २ दिवस कामकाज पाहत असल्याने कलमठ वासियांची ससेहोलपट होत आहे तरी आपण कलमठ सारख्या शहरी आणि विकसित गावाला कायम स्वरूपी ग्रामविकास अधिकारी देऊन कलमठ वासियांची अडचण दूर करावी अशी मागणी यावेळी कलमठ ग्रामपंचायत सदस्य संदीप मेस्त्री यांनी कणकवली पंचायत समिति सभापती मनोज रावराणे यांच्याकडे केली आहे. यावेळी माजी जि. प. अध्यक्ष संदेश सावंत, पं. स. सदस्य मिलिंद मेस्त्री यावेळी उपस्थित होते
