विविध कार्यक्रमांचे आयोजन..
⚡मालवण ता.२१-:
मालवण मेढा येथील श्री देव मुरलीधर मंदिर येथे श्रीकृष्ण जन्माष्टमी उत्सव शुक्रवार दिनांक ४ सप्टेंबर रोजी साजरा होणार असून त्यानिमित्त विविध कार्यक्रमाचे आयोजन करण्यात आले आहे.
यानिमित्त २८ ऑगस्ट ते ३ सप्टेंबर रोजी पर्यंत सायंकाळी ७ वाजता मंदिराभोवती पालखी प्रदक्षिणा, दि. २८ रोजी रात्री ८ वा. श्री देव ब्राह्मण देव प्रासादिक भजन मंडळ वरची देवली यांचे भजन (बुवा – श्री. महेश नाईक पखवाज – बंटी कांदळगावकर), दि. २९ रोजी रात्री ८ वा. श्री देव शंकर मंदिर मेढा येथील महिला वारकरी दिंडी भजन मंडळ, दि. ३० रोजी रात्री ८ वा. राम कृष्ण हरी संगीत संस्कार गुरुकुल तेंडोली शाखा मालवण आयोजित प्रभूरंग कार्यक्रम, ३१ रोजी रात्री ८ वा. घुमडाई प्रासादिक भजन मंडळ घुमडे यांचे भजन, दि. १ सप्टेंबर रोजी अष्टपैलू कलानिकेतन प्रस्तुत भक्तीरंग गायनाचा कार्यक्रम, दि. २ रोजी रात्री ८ वा. वैभव मांजरेकर प्रस्तुत भक्ती श्रावण कार्यक्रम (गायक – संगीत अलंकार प्रफुल्ल रेवंडकर व महेंद्र मराठे), दि. ३ रोजी रात्री ८ वा. ह.भ.प कुमारी वेदिका परशुराम लुडबे हिचे सुश्राव्य कीर्तन, दि. ४ रोजी श्रीकृष्ण जन्माष्टमी निमित्त रात्री ८ वा. ह.भ.प श्री दर्शन महेश वझे यांचे सुश्राव्य कीर्तन तसेच कृष्ण जन्मानंतर रात्री १२:३० वा. मुरलीधर मंदिर ते राम मंदिर पालखी सोहळा होणार आहे. तर दि. ५ रोजी दुपारी १ वा. महाप्रसाद, दि. ६ रोजी सायंकाळी ४ वा. दहीहंडी (दहीकाला) व नंतर सायं. ५ वा. मालवण बाजारपेठ मार्गे मौनिनाथ मंदिर मेढ़ा मार्गे पालखी सोहळा होणार आहे. तरी भाविकांनी उपस्थित राहून लाभ घ्यावा, असे आवाहन श्री देव मुरलीधर मंदिर बालगोपाळ मित्रमंडळ यांच्या वतीने करण्यात आले आहे.
