⚡सिंधुदुर्गनगरी,ता.१०-: जिल्हा नियोजन समितीची बैठक मत्स्यव्यवसाय व बंदरे तथा सिंधुदुर्ग जिल्ह्याचे पालकमंत्री नितेश राणे यांच्या अध्यक्षतेखाली बुधवार ११ फेब्रुवारी रोजी सकाळी ११:०० वाजता जिल्हा नियोजन समिती सभागृह (नवीन), जिल्हाधिकारी कार्यालय, सिंधुदुर्गनगरी येथे आयोजित करण्यात आली आहे.
या बैठकीमध्ये जिल्हा वार्षिक योजना (सर्वसाधारण) सन 2025-26 माहे जानेवारी 2026 अखेर खर्चास मान्यता देणे, जिल्हा वार्षिक योजना (सर्वसाधारण) सन 2024-25 व सन 2025-26 स्थानिक स्वराज्य संस्थाकडील माहे जानेवारी 2026 अखेर खर्चाचा अहवाल सादर करणे, जिल्हा वार्षिक योजना (सर्वसाधारण) सन 2026-27 अंतर्गत प्रारूप आराखड्यास मान्यता देणे, अनुसूचित जाती उपयोजना व आदिवासी क्षेत्राबाहेरील योजना सन 2025-26 माहे जानेवारी २०२६ अखेर खर्चास मान्यता देणे, अनुसूचित जाती उपयोजना व आदिवासी क्षेत्रा बाहेरील योजना सन २०२६-२७ अंतर्गत प्रारूप आराखड्यास मान्यता देणे तसेच ‘क’ वर्ग यात्रास्तर घोषित करणे इ. विषयांचा समावेश या बैठकीत असणार असल्याचे जिल्हा नियोजन अधिकारी यशवंत बुधावले यांनी सांगितले आहे.
००००००
