कणकवली : मुंबई – गोवा महामार्गावर मुंबई ते गोवा जाणारा अठरा चाकी ट्रेलर उड्डाण पुलावरून भरधाव वेगाने आल्याने येथील तीव्र वळणावर पलटी झाला. यात ट्रेलर चालक गंभीर जखमी झाला. १०८ रुग्णवाहिका पाचारण करण्यात आले होते. दरम्यान ट्रेलर चालकाला येथील कणकवली उपजिल्हा रुग्णालयात उपचारासाठी दाखल करण्यात आले.
अपघाताची माहिती मिळताच कणकवली पोलीस ठाण्याचे पोलीस निरीक्षक तेजस नलावडे, पोलीस हवालदार मिठबावकर, वाहतूक पोलीस हवालदार विनोद चव्हाण, दिलीप पाटील, पोलीस उपनिरीक्षक महेश शेडगे, महामार्ग वाहतूक पोलीस सहाय्यक पोलीस उपनिरीक्षक प्रकाश गवस, हेड कॉन्स्टेबल एकनाथ सरमळकर, चालक पालिस हवालदार निलेश सोनवणे, पोलीस नाईक नितीन शेट्ये, कॉन्स्टेबल रवी हींदळे, पोलीस कॉन्स्टेबल सागर परब यांनी घटनास्थळी धाव घेतली. सदरचा अपघात मंगळवारी दुपारी २:३० वाजण्याच्या सुमारास झाला.
अथक प्रयत्नांनी पलटी झालेला ट्रेलर क्रेनच्या सहाय्याने बाजूला करण्यासाठी महामार्ग प्राधिकरणाच्या क्रेनला पाचारण करण्यात आले होते.
