⚡सावंतवाडी ता.०८-: महामार्ग पोलीस मदत केंद्र कसाल, यांच्या मार्गदर्शनाखाली कणकवली नेमणूकीतील पोलीस हेड कॉस्टेबल श्री. सुनिल दत्ताराम वेंगुर्लेकर यांनी
३६ व्या राष्ट्रीय रस्ता सुरक्षा अभियान २०२५ अंतर्गत केलेल्या कारवाई बद्दल सन्मानचिन्ह व प्रशस्तीप्रत्रक देवून त्यांचा महामार्ग पोलीस मदत केंद्र, पळस्पे, नवीमुंबई येथे सत्कार करण्यात आला.
त्यांच्या सर्वोत्कृष्ट कामगिरीकरीता महाराष्ट्र राज्य पोलीस वाहतूक विभागाचे प्रमुख अपर पोलीस महासंचालक यांचे कार्यालयाकडून त्यांची निवड करण्यात येवून त्यांना महामार्ग पोलीस मदत केंद्र पळस्पे, नवी मुंबई येथील आयोजित रस्ता सुरक्षा अभियान-२०२५ कार्यक्रमात महाराष्ट्र राज्यातील पोलीस वाहतूक विभागाचे प्रमुख अपर पोलीस महासंचालक डॉ. सुरेश कुमार मेकला यांचे हस्ते सन्मानचिन्ह व प्रशस्तीप्रत्रक देवून त्यांचा सत्कार करण्यात आलेला आहे.
यावेळी महामार्ग सुरक्षा पथक, रायगड परिक्षेत्रातील पोलीस अधीक्षक तानाजी चिखले , पोलीस उप अधीक्षक . श्रीमती ज्योत्स्ना रासम, म.सु.प., रत्नागिरी विभाग, पोलीस निरीक्षक श्रीमती दिपाली जाधव यांचे उपस्थितीत तसेच महामार्ग पोलीस केंद्र कसाल, जिल्हा-सिंधुदुर्ग, हातखंबा, चिपळूण, कशेडी, जिल्हा-रत्नागिरी, वाकण, महाड, बोरघाट, जिल्हा-रायगड, पळस्पे, नवीमुंबई या पोलीस मदत केंद्रांकडील प्रभारी पोलीस अधिकारी कार्यक्रमास उपस्थित होते.
महामार्गावर कर्तव्य करताना, वाहतूकीचे नियमन, अपघातग्रस्तांसाठी वेंळोवेळी केलेली मदत, जनजागृतीपर प्रबोधन कार्यक्रम शाला, महाविद्यालय आणि महामार्गावर उत्तम दर्जाचे केलेले असून, सन २०२४ सालात वाहतूक नियमांचे उल्लंघन करणा-या वाहनधारकांवर त्यांनी सर्वाधिक १४६४ ई-चलन केसेसची कारवाई केलेली आहे तसेच ड्रंक ॲण्ड ड्राईव्ह मधील ०६ वाहनधारकांवर कारवाई केल्या, त्यात सर्वांना प्रथमवर्ग न्यायदंडाधिकारी कणकवली व सावंतवाडी न्यायालयातून द्रव्यदंडाची शिक्षा सुनावली आहे.
या कामी त्यांना महामार्ग पोलीस मदत केंद्र कसाल, कणकवली कडील प्रभारी पोलीस अधिकारी सहाय्यक पोलीस निरीक्षक श्री. सुनिल हारूगडे यांचे मार्गदर्शन लाभलेले आहे.
वाहतूक पोलीस हेड कॉस्टेबल सुनिल वेंगुर्लेकर यांचा नवीमुंबई येथे सत्कार…
