दुचाकी आणि रिक्षा अपघातात दोन ठार तर चार जखमी

*सांगवे – केळीचीवाडी येथील घटना

*💫कणकवली दि.२७-:* दुचाकी आणि रिक्षा यांची समोरासमोर धडक बसून झालेल्या अपघातात दुचाकीवरील दोघेजण जागीच ठार झाले. अमित प्रभाकर मेस्त्री (४०) व परशुराम अनंत पांचाळ (४८) अशी त्यांची नावे आहेत. या अपघातात रिक्षेतील चौघेजण जखमी झाले आहेत हा अपघात कणकवली – कनेडी मार्गावरील सांगवे – केळीचीवाडी येथे।आज दुपारी १ वाजण्याच्या सुमारास घडला. दुचाकी आणि रिक्षा यांची समोरासमोर धडक बसून अपघात झाला. ही धडक एवढी जबरदस्त होती की दुचाकीवरील दोघेजण जागीच ठार झाले. तर रिक्षामधील माधुरी मनोहर घाडीगावकर (४७), बाळकृष्ण सदाशिव घाडीगावकर (८०), मनोहर बाळकृष्ण घाडीगावकर (४२), गणेश अशोक घाडी (३०) हे जखमी झाले. यातील काहींना गंभीर दुखापती झाल्या आहेत. जखमींना कणकवली येथील उपजिल्हा रुग्णालयात दाखल करण्यात आले. त्या ठिकाणी प्राथमिक उपचार करून तिघांना खाजगी रुग्णालयात तर एकाला ओरोस येथील जिल्हा रुग्णालयात हलविण्यात आले. अपघातानंतर स्थानिक ग्रामस्थ, पोलीस यांनी घटनास्थळी धाव घेतली होती.