देवगड (प्रतिनिधी)
घरामध्ये स्टाईल बसविण्याचे काम करत असताना पोटमाळ्याच्या तुटलेला ब्लॉगचा तुकडा उजव्या पायाच्या मांडीवर व पोटाचे उजव्या बाजूस पडल्याने अवधेश राजभवन कुमार या 31 वर्षीय युवकाचा मृत्यू झाल्याची घटना रविवारी १६ जून रोजी दुपारी १:४५ च्या सुमारास देवगड मध्ये घडली.पोलिसांनी दिलेल्या माहितीनुसार देवगड येथील प्रदीप मांजरेकर यांच्या मांजरेकर नाका येथील घरी स्टाईल बसविण्याचे काम अवधेश राजभवन कुमार वय 31 (मूळ राहणार रणडोली, उघडपुर जिल्हा सुलतानपूर राज्य उत्तर प्रदेश, सध्या रा . जामसंडे टिळकनगर तालुका देवगड) करत असताना अचानक पोटमाळ्याच्या तुटलेल्या ब्लॉगचा तुकडा त्याचे उजव्या पायाच्या मांडीवर व पोटाचे उजव्या बाजूस बसल्याने त्याला गंभीर दुखापत झाली. त्याला उपचारासाठी देवगड ग्रामीण रुग्णालयात दाखल केले. त्याच्यावर उपचार सुरू असताना त्याचा मृत्यू झाल्याचे तेथील डॉक्टर यांनी सांगितले.याबाबतची खबर सुखराम बुखल गौतम (30) मूळ राहणार नानीमोड सुलतानपूर जिल्हा उत्तरप्रदेश सध्या राहणार जामसंडे टिळकनगर यांनी देवगड पोलिसात दिली असून देवगड पोलिसांनी आकस्मिक मृत्यू अशी नोंद केली आहे. याबाबतचा अधिक तपास देवगड पोलीस स्टेशनचे राजन जाधव करत आहेत
