खवळे, काडी, मरल, चिंगुळ, डेमके व ठिगुर शेतात : परिसरात बेडुकांचा डराव…डराव… आवाज
⚡बांदा ता.२९-: मान्सूनच्या दमदार आगमनाने शेतकरी वर्ग सुखावला आहे. चढणीचे मासे धरण्यासाठी युवक वर्ग मोठ्या प्रमाणात नदी, ओढे व शेळजमिनीच्या (पाणथळ) ठिकाणी पहायला मिळत आहेत. खवळे, काडी, मरल, चिंगुळ, डेमके व ठिगुर यासारखे मासे पहिल्या पावसात शेतात चढले. मिळेल त्या साहित्याने मासे पकडण्यासाठी सगळे व्यस्त आहेत. तर बेडुकांच्या डराव… डराव… आवाजाने परिसरातील वातावरण दुमदुमून गेले आहे.
