कणकवली : कणकवली नगरपंचायतीच्या सोनगेवाडी, प्रभाग क्रमांक ११ मधील महिलांसाठी श्रावण सोमवारनिमित्त मोफत कुणकेश्वर दर्शन चे आयोजन करण्यात आले होते. महिलांना धार्मिक दर्शनाचा आनंद मिळावा, तसेच महिलांमध्ये स्नेह, आपुलकी आणि सामाजिक एकोपा अधिक दृढ व्हावा, या उद्देशाने सुजित जाधव यांच्या संकल्पनेतून या सहलीचे आयोजन करण्यात आले.
या उपक्रमासाठी नगराध्यक्ष संदेश पारकर यांचे मोलाचे सहकार्य लाभले. नगराध्यक्ष संदेश पारकर यांच्या हस्ते सोमवारी श्रीफळ वाढवून सहलीचा शुभारंभ करण्यात आला.
सहलीमध्ये सुप्रिया जाधव, दीपिका जाधव, मनिषा ठाकूर, प्रगती आचरेकर, सुविधा पराष्टेकर, यशोदा खेत्री, सुकन्या कुंभवडेकर, श्रेया खेत्री, सारिका कदम, प्रियांका पोखरणकर, शितल मढव, हेलन कांबळे, सुप्रिया कांबळे, सारिका कांबळे, नीता कदम, संगीता मेस्त्री, संपदा मांजरेकर, मेघना वरवडेकर, वरवडेकर काकी, पार्वती पावसकर, सुहासिनी ताटे, छाया गुरव, नंदा जाधव व स्मिता जाधव यांच्यासह सोनगेवाडीतील महिला सहभागी झाल्या होत्या. नगराध्यक्ष संदेश पारकर यांच्याकडून उपक्रमाचे कौतुक
यावेळी बोलताना नगराध्यक्ष संदेश पारकर यांनी सुजित जाधव यांच्या संकल्पनेतून राबविण्यात आलेल्या या उपक्रमाचे विशेष कौतुक केले. महिलांना एकत्र आणून त्यांना धार्मिक दर्शनासोबतच आनंदाचे आणि स्नेहाचे क्षण मिळवून देणे ही निश्चितच कौतुकास्पद बाब असल्याचे त्यांनी सांगितले. सोनगेवाडीमध्ये राबविण्यात आलेला हा उपक्रम केवळ एका सहलीपुरता मर्यादित न राहता शहरातील इतर भागांमध्येही अशा प्रकारचे सामाजिक व धार्मिक उपक्रम राबविले गेले पाहिजेत. अशा उपक्रमांमुळे नागरिकांमध्ये आपुलकी वाढते आणि समाजातील एकोपा अधिक मजबूत होतो, असे मत नगराध्यक्ष संदेश पारकर यांनी व्यक्त केले.
तसेच, महिलांना रोजच्या धावपळीच्या जीवनातून थोडा विरंगुळा मिळणे, एकत्र येऊन संवाद साधणे आणि धार्मिक स्थळाचे दर्शन घेणे ही सकारात्मक बाब आहे. अशा उपक्रमांना नगरपंचायतीच्या माध्यमातूनही योग्य ते सहकार्य करण्याचा प्रयत्न राहील, असेही श्री. पारकर म्हणाले.
