⚡मालवण ता.११-:
दांडी येथील दांडेश्वर मंदीर नजीक जाळ्यात अडकलेल्या व उष्णतेमुळे निर्जलीकरण झालेल्या घार (ब्लॅक काईट) पक्षास मच्छिमार व पर्यटन व्यावसायिकांनी जीवदान दिले.
दांडी येथील दांडेश्वर मंदिरनजीकच्या समुद्र किनाऱ्यालगत जाळ्यात अडकलेला व उष्णतेमुळे निर्जलीकरण अवस्थेत घार हा पक्षी प्रविण कुबल यांच्या निदर्शनास आला. त्यानंतर पारंपरिक मच्छिमार, पर्यटन व्यवसायीक प्रविण कुबल, रामा धुरत व वरद मोरजकर यांनी घारीची जाळ्यातून सुटका केले. त्यानंतर युथ बिट्स फॉर क्लायमेट संस्थेशी संपर्क केला असता अक्षय रेवंडकर व इकोमेट्स संस्थेचे साहिल कुबल त्याठिकाणी पोहोचले. वन विभागास संपर्क करून त्याची माहिती देण्यात आली. त्यानंतर त्या घारीस कांदळवन विभाग मालवण कार्यालयामध्ये संस्थेमार्फत सुखरूप सुपूर्द करण्यात आले.
