⚡कुडाळ ता.२१-: कुडाळ मालवणचे विधानसभा सदस्य निलेश राणे यांनी संबंधित यंत्रणेला एक पत्र दिले आणि त्यामुळे नेरूर वाघचौडी येथील ग्रामस्थांचे प्रलंबित काम मार्गी लागले. गेली तीन वर्षे रखडलेला रस्ता आमदार निलेश राणे यांच्या या पत्रामुळे पूर्ण झाला. त्याबद्दल ग्रामस्थांनी आमदार निलेश राणे यांचे आभार मानले आहेत.
सन 2021-22 या आर्थिक वर्षात नेरुर देऊळवाडा ग्रामपंचायत कार्यक्षेत्रातील नागरीसुविधा योजनेअंतर्गत नेरुर वाघचौडी रस्ता खडीकरण व डांबरीकरण करणे हे काम मंजूर झालेले होते परंतु काही कारणास्तव सदर काम गेली तीन वर्षं रखडलेल्या अवस्थेत होते त्यामुळे वाघचौडी मध्ये राहणाऱ्या ग्रामस्थांची रस्ता न झाल्याने गाडी चालवताना मोठी अडचण होत होती.
गेले कित्येक दिवस सदर रस्ता व्हावा म्हणून ग्रामस्थ निवेदन देत होते, तरी सदर रस्ता मंजूर असुनही होत नव्हता. ही बाब ग्रामस्थांनी कुडाळ मालवण विधानसभा मतदारसंघाचे आमदार निलेश राणे यांच्या निदर्शनाला आणली. त्यांनी लगेचच मुख्य कार्यकारी अधिकारी जिल्हा परिषद सिंधुदुर्ग व त्याची एक प्रत गटविकास अधिकारी कुडाळ यांना लेखी पत्र देत सदर रस्ता अंदाजपत्रकात तरतूद केल्याप्रमाणे करण्यात यावा, असा आदेश काढला. त्याप्रमाणे आता रस्ता पुर्ण झाल्याबद्दल नेरुर वाघचौडी ग्रामस्थांच्या वतीने आमदार साहेबांचे आभार मानण्यात आले. आमदार निलेश राणे यांची प्रत्यक्ष भेट घेवून ही आभार मानण्यात येणार आहेत असे ग्रामस्थांच्या वतीने सांगण्यात आले.
आमदार निलेश राणे यांचे पत्र आणि नेरूर मधला तीन वर्षं रखडलेला रस्ता पूर्ण…
