विशाल परब:उमेदवारीसाठी कोणीही इच्छुक;पक्षाकडून जो उमेदवार देणार तो निवडून आणण्यासाठी मी माझी जबाबदारी ओळखून काम करणार..
⚡सावंतवाडी ता.१६-: आगामी लोकसभा निवडणुकीसाठी रत्नागिरी सिंधुदुर्ग मतदार संघातून निवडणूक लढवण्यासाठी मी सुद्धा इच्छुक आहे तशा प्रकारची मागणी ही आपण पक्षाकडे केली आहे, उमेदवारीसाठी कोणीही इच्छुक असू शकतो त्यात काहीही गैर नाही मात्र पक्षाकडून जो उमेदवार निश्चित केला जाईल तो निवडून आणण्यासाठी मी माझी जबाबदारी ओळखून काम करणार आहे. कोणी कितीही बढाया केल्या तरी या मतदारसंघातून महायुतीचाच उमेदवार विजयी होईल असा दावा युवा मोर्चा प्रदेश उपाध्यक्ष तथा उद्योजक विशाल परब यांनी आज येथे केला.
