सुशांत नाईक ;825 स्क्वेअर फुटाच्या स्वच्छतागृहासाठी तब्बल 86 लाखाचे अंदाजपत्रक हे तर भ्रष्टाचाराचे कूरण
⚡कणकवली ता.०५-: 825 स्क्वेअर फुट स्वच्छतागृहासाठी तब्बल 86 लाखाचे अंदाजपत्रक करत प्रति स्क्वेअर फुट 10,750 रुपयाचा बांधकाम खर्च लावत कणकवली नगरपंचायतीने ठेकेदाराला पोसण्याचे काम करताना मोठा भ्रष्टाचार केला आहे. घराचे बांधकाम करायचे असेल तर 2000 रुपये प्रति स्क्वेअर फुट असा दर आकारला जात असताना स्वच्छतागृहाच्या इमारतीसाठी एवढा दर आकारण्याचे कारण काय? सदरचे इस्टिमेट बोगस असून नगरपंचायत सत्ताधाऱ्यांनी कणकवली वासीयांना फसविण्याचे काम केले आहे. गेल्या पाच वर्षात नगरपंचायत सत्ताधारी 172 कामे केल्याचे सांगत आहेत मात्र या वाढीव दराचा विचार केल्यास 350 कामे झाली असती. त्यामुळे गेल्या पाच वर्षात किती पटीने भ्रष्टाचार झाला आहे याचा विचार करावा असा टोला कणकवली नगरपंचायतीचे माजी विरोधी पक्षनेते सुशांत नाईक यांनी लगावला आहे.
कणकवली नगरपंचायत सत्ताधाऱ्यानी सुलभ शौचालयाच्या कामांत मोठा भ्रष्ट्राचार केला आहे.८०० स्क्वेअर फुटची प्लिंथ आहे,साईटवर ती मापे मोजून आलो आहे.सुलभ शौचालयाचे ८६ लाखांचे अंदाजपत्रक केलं आहे.त्या बांधकामाचा सरासरी १० हजार ७५० रुपये स्क्वेअर फूट दर होत आहे.आता घर बांधायला दिले तर २ हजार रुपये स्क्वेअर फूट मध्ये होत आहे.मात्र,गेल्या ५ वर्षात कणकवली नगरपंचातीच्या सत्ताधाऱ्यांनी मोठा भ्रष्ट्राचार केल्याचा आरोप शिवसेना युवा सेना जिल्हाप्रमुख सुशांत नाईक यांनी केला.
कणकवली येथील शासकीय विश्रामगृह येथे महाविकास आघाडीचेवतीने पत्रकार परिषदेचे आयोजन करण्यात आले होते. यावेळी युवा सेना जिल्हाप्रमुख तथा कणकवली नगरपंचायतीचे माजी विरोधी गटनेते सुशांत नाईक बोलत होते त्यांच्यासमवेत नगरसेवक कन्हैया पारकर, रुपेश नार्वेकर,काँग्रेस तालुकाध्यक्ष प्रदीप मांजरेकर,शहराध्यक्ष प्रमोद मसुरकर,राष्ट्रवादीचे प्रांतिक सदस्य निलेश गोवेकर,निखिल गोवेकर,उपाध्यक्ष रुपेश जाधव,मजूर फेडरेशन संचालक जयेश धुमाळे आदी उपस्थित होते.
सुशांत नाईक म्हणाले,कणकवली नगरपंचायतची ५ वर्ष सर्वच नगरसेवकांची पूर्ण झाली आहे.शेवटच्या सभेत सभागृहात भ्रष्टाचार काल काढला,सुलभ शौचालयाच्या कामासाठी केलेले अंदाजपत्रक बोगस आहे, डीएसार प्रमाणे रेट देण्याची आवश्यकता आहे.मात्र,सत्ताधारी यांनी मोठा भ्रष्ट्राचार केला आहे.कणकवलीत कोणतेही चांगले काम झाल नाही.१७२ नव्हे तर ३५० कामे मार्गी लागली असती.जी कामे १० लाख रुपये किंमतीची होती ती २० लाख दराने केली आहेत,असा आरोप सुशांत नाईक यांनी केला.
कणकवली नगरपंचायतमध्ये गेल्या ५ वर्षात मोठा भ्रष्टाचार झाला आहे. आ.नितेश राणेंना हा भ्रष्ट्राचार यांनी कळायला दिलाच दिला नाही.नाहीतर देवगड प्रमाणे हिस्सा मागितला असता,म्हणून तुमचीही फसवणूक झाली आहे.नितेश राणे म्हणाले होते,कणकवली नगरपंचायतमध्ये पारदर्शक कारभार केला,मात्र,त्यांनी झालेली कामे आणि खर्च पहावा,असे सुशांत नाईक यांनी सांगितले.तसेच रविंद्र मुसळे मृत्यू प्रकरणी हे सत्ताधारी ठेकेदाराच्या पाठीशी राहिले आहेत.या शहरातील कामांची आम.वैभव नाईक आणि खास. विनायक राऊत यांच्याकडे चौकशी करण्यासाठी मागणी करणार आहोत,असे सुशांत नाईक यांनी सांगितले.
आम. नितेश राणे यांना 50 खोके?
कणकवलीत ए जी डॉटर्स कंपनी आणून नगरपंचायतने कचरा व्यवस्थापन प्रकल्पासाठी ९०० कोटीचे काम दिले ,ते ५०० कोटींचे कर्ज घेणार होते.त्यात ५० कोटी भाजपा आ. नितेश राणे यांना मिळणार होते.मात्र आम्ही आवाज उठल्यामुळे तो प्रकल्प होवू शकला नाही.तो बोगस प्रकल्प होवू दिला नाही.सातत्याने विरोधी पक्ष म्हणून आम्ही आवाज उठवला आहे.यापुढील काळात महाविकास आघाडी म्हणून आम्ही सामोरे जाणार आहोत,असा इशारा सुशांत नाईक यांनी दिला.
अन्यथा आम्ही बोर्ड लावू
कन्हैया पारकर म्हणाले,कणकवली नगरपंचायतीने शहरात गेल्या ५ वर्षात जी कामे झाली आहेत. तिथे कामाचे नाव आणि किती रुपयांचे काम तो नामफलक एक महिन्यात लावावा,अन्यथा शिवसेना आणि महविकास आघाडी सर्व बोर्ड लावणार आहेत.
काँगेस तालुकाध्यक्ष प्रदीप मांजरेकर म्हणाले,गेली १५ वर्षे नारायण राणे यांच्या नेतत्वाखालील कणकवली नगरपंचायती सत्ता आहे.कोणतीही ठोस कामे शहरात झाली नाहीत.क्रीडांगण नाही,कुठला विकास झाला नाही.
राष्ट्रवादीचे प्रांतिक सदस्य निलेश गोवेकर म्हणाले,राष्ट्रवादी म्हणून महाविकास आघाडी म्हणून एकत्र राहणार आहोत.नगरपंचायत सत्ताधारी लोकांनी गेल्या ५ वर्षात केलेल्या कामांमध्ये मोठा भ्रष्ट्राचार केला आहे,त्या विरुद्ध आम्ही लढा देणार आहोत.
