मालवण ता.०६-:* सिंधुदुर्ग मधील मुंबईस्थित तरुण युवकांचा माझा सिंधुदुर्ग या ग्रुपतर्फे सिंधुदुर्ग मधील हुशार, होतकरु व विशेषतः कोविड काळात पालक गमावलेल्या विद्यार्थ्यांसाठी संपुर्ण वर्षभर लागणारे शैक्षणिक साहित्य व शिष्यवृत्ती प्रदान सोहळा कुडाळ येथे संपन्न झाला.
यावेळी चित्रपट दिग्दर्शक,निर्माता श्री.साई जळवी, पत्रकार शेखर सामंत , राज्यपुरस्कार प्राप्त आदर्श शिक्षक श्री.शिवराज सावंत, कातकरी समाजातील मुलांसाठी वसतीगृह चालविणारे श्री.उदय आईर, श्री.संदिप तुळसकर, श्री.अंकुश कणेरकर सर, श्री.संजय जाधव, माझा सिंधुदुर्गचे संस्थापक श्री.विकास पालव, मयेकारीन फेम सौ. अर्चना परब व माझा सिंधुदुर्गचे सर्व क्रियाशील सदस्य उपस्थित होते. यावेळी कातकरी मुलांच्या वसतीगृहासाठी इन्व्हर्टर श्री.उदय आईर यांना माझा सिंधुदुर्ग कडुन प्रदान करण्यात आला. कार्यक्रमाचे सूत्रसंचालन श्री.शुभम धुरी यांनी केले.
