सावंतवाडी, दि. ८ ऑक्टोबर २०२६ :
सावंतवाडी नगरपालिकेच्या जगन्नाथराव भोसले उद्यानातील स्वच्छतागृहाच्या स्वच्छतेचा व दुरवस्थेचा प्रश्न अखेर मार्गी लागला आहे. गेल्या सुमारे सहा महिन्यांपासून बंद व दुरवस्थेत असलेल्या स्वच्छतागृहामुळे उद्यानात येणाऱ्या नागरिकांना, विशेषतः लहान मुलांसह येणाऱ्या कुटुंबांना, मोठ्या गैरसोयीचा सामना करावा लागत होता.
ही समस्या लक्षात घेऊन सामाजिक कार्यकर्ते श्री. अभिजित गावस व श्री. ज्ञानेश्वर पाटकर यांनी सातत्याने पाठपुरावा करून प्रशासनाचे लक्ष वेधले. त्यांच्या प्रयत्नांना यश आले असून स्वच्छतागृहाची स्वच्छता व आवश्यक दुरुस्तीचे काम पूर्ण करण्यात आले आहे. त्यामुळे हे स्वच्छतागृह नागरिकांच्या वापरासाठी पुन्हा उपलब्ध झाले आहे.
सामाजिक कार्यकर्त्यांच्या पाठपुराव्याला यश
उद्यानात येणाऱ्या नागरिकांना स्वच्छ व सुस्थितीत मूलभूत सुविधा मिळाव्यात, या उद्देशाने श्री. ज्ञानेश्वर पाटकर व श्री. अभिजित गावस यांनी हा प्रश्न सातत्याने मांडला. त्यांच्या पाठपुराव्यामुळे स्वच्छतागृहाच्या समस्येवर तोडगा निघाला असून नागरिकांना दिलासा मिळाला आहे.
नागरिकांच्या सुविधांसाठी सातत्याने प्रयत्न
नागरिकांच्या मूलभूत सुविधांची योग्य देखभाल व नियमित स्वच्छता राखणे आवश्यक आहे. जगन्नाथराव भोसले उद्यानातील स्वच्छतागृहाचे काम पूर्ण झाल्याने नागरिकांची गैरसोय दूर झाली आहे. या कामासाठी सातत्याने पाठपुरावा करणारे सामाजिक कार्यकर्ते श्री. ज्ञानेश्वर पाटकर व श्री. अभिजित गावस यांच्या प्रयत्नांना यश मिळाले आहे.