⚡सावंतवाडी ता.०६-: मळगाव आणि सोनुर्ली या दोन गावचे जागृत दैवत असलेल्या मळगाव येथील श्री देव दोन गावचा पूर्वस देवाचा रविवार १४ डिसेंबर रोजी वार्षिक जत्रोत्सव साजरा होणार आहे. यानिमित्त मंदिरात विविध धार्मिक कार्यक्रम साजरे करण्यात येणार आहेत.
सोनुर्ली येथील श्री देवी माऊलीप्रमाणे दोन पूर्वस हे मळगाव आणि सोनुर्ली या दोन गावचे जागृत देवस्थान आहे. श्री देवी माऊलीच्या जत्रोत्सवाला मळगाव पंचायतनची तरंगकाठी व पालखी सोनुर्ली येथे श्री देवी माऊलीच्या भेटीसाठी जाते, तर दोन पूर्वस देवाच्या जत्रोत्सवादिवशी श्री देवी माऊली देवांच्या भेटीसाठी दोन पूर्वस जत्रोत्सवादिवशी मळगाव येथे येते. श्री देवी माऊलीच्या जत्रोत्सवादिवशी काही कारणास्तव कोणाची माऊलीची ओटी भरणे राहीले असेल तर दोन पूर्वस जत्रोत्सवादिवशी श्री देवी माऊलीची ओटी भरून नवसफेड केली जाते. अशा या दोन गावचे दैवत असलेल्या श्री देव दोन गावचा पूर्वस देवाचा जत्रोत्सव १४ डिसेंबर रोजी साजरा होणार आहे. यानिमित्त मंदिरात सकाळी धार्मिक कार्यक्रम, पूजा, दोन पूर्वस देवावर अभिषेक, एकादशमी, दुपारी महाप्रसाद, सायंकाळी श्री देवी माऊलीचे वाजगाजत आगमन, त्यानंतर श्री देवी माऊलीची ओटी भरणे, दोन पूर्वस देवाला केळी नारळ ठेवणे आदी कार्यक्रम होणार आहेत. रात्री मंदिराभोवती तरंगकाठीसहीत भव्य पालखी मिरवणूक काढण्यात येणार आहे. त्यानंतर रात्री उशिरा खानोली येथील खानोलकर दशावतार नाट्य मंडळाचा पौराणिक नाट्यप्रयोग सादर होणार आहे. भाविकांनी जत्रोत्सवाचा व नाट्यप्रयोगाचा लाभ घ्यावा, असे आवाहन मळगाव ग्रामस्थ व मळगाव-सोनुर्ली देवस्थान कमिटीतर्फे करण्यात आले आहे.
मळगाव येथील दोन गावचा पूर्वस देवाचा वार्षिक जत्रोत्सव १४ डिसेंबर रोजी…
