⚡सावंतवाडी ता.२०-: अयोध्या येथे सोमवार २२ जानेवारी रोजी होणाऱ्या रामलल्ला प्राणप्रतिष्ठापन व राममंदिर लोकार्पण सोहळ्यानिमित्ताने श्री कलेश्वर पूर्वी देवी मंदिर येथे विविध धार्मिक कार्यक्रमांचे आयोजन करण्यात आले आहे.
सकाळी 9 वा. अभिषेक, 9.30 वा. श्री राम पूजन, 11 ते 11.30 वा. रामरक्षा स्तोत्र पठण, 11.30 वा. आरती व तीर्थप्रासाद, दुपारी 4 ते संध्याकाळी 7 वा. हळदी कुंकू/कुंकू मार्जन, 7 वा. दीपोत्सव, रात्रो 8 ते 11 वा. स्थानिक भजनांचा कार्यक्रम, 11 ते 11.30 वा. महाआरती होणार आहे. वेत्ये गावातील प्रत्येक कुटुंबातील सदस्याने संध्याकाळी 7 वाजता दीपोत्सवसाठी मंदिरमध्ये दोन पणत्या आणून लावाव्यात असे आवाहन करण्यात आले आहे. तरी सर्व ग्रामस्थ, भाविकांनी कार्यक्रमांचा लाभ घ्यावा असे आवाहन वेत्ये सरपंच गुणाजी गावडे तसेच ग्रामस्थांतर्फे करण्यात आले आहे.
