बाबल गावडे, व्यापारी संघटना उपाध्यक्ष दीपक गावडे यांच्याकडून लाईटची व्यवस्था:स्मशानभूमीत होणारी गैरसोय स्वखर्चातून दूर केल्याने नागरिकांकडून समाधान..
⚡कुडाळ ता.१८-: कुडाळ एमआयडीसी येथील महापुरुष ब्राह्मण मंदिरानजीकच्या स्मशानभूमीत मागील अनेक वर्षे लाईट व्यवस्था नसल्याने रात्रौच्या वेळेस अंत्यविधी करताना नागरिकांची गैरसोय होत होती. ही गैरसोय लक्षात घेऊन पिंगुळी माजी ग्रामपंचायत सदस्य तथा सामाजिक कार्यकर्ते बाबल गावडे व व्यापारी संघटनेचे उपाध्यक्ष दीपक गावडे यांनी स्वखर्चातून लाईट व्यवस्था करून नागरिकांची गैरसोय दूर केली. एमआयडीसीचे उपअभियंता रेवणकर आणि गावच्या वायरमन कर्मचाऱ्यांनी देखील विद्युत जोडणीसाठी सहकार्य करून सामाजिक कार्यात हातभार लावला आहे. स्मशानभूमी उजेडात आल्याने स्थानिक नागरिकांकडून समाधान व्यक्त करण्यात येत आहे.
