⚡मालवण ता.०५-: बॅ नाथ पै सेवांगण कट्टा शाखेच्या वतीने लहान मुलांसाठी आयोजित सहा दिवसीय शिबीराचा समारोप कला शिक्षक समीर चांदरकर यांच्या प्रमुख उपस्थितीत झाला. या शिबिरात हस्तकला, कागद काम, चित्रकला, मातीकाम, पारंपारीक खेळ, गीत गायन अशा विविध उपक्रमांचा आनंद मुलांनी घेतला.
प्रारंभी दीपक भोगटे यानी या शिबीराची संकल्पना व सहकार्य केलेल्या सर्व शिक्षकांचे आभार मानले. बाळकृष्ण नांदोसकर यानी पालकांना व विद्यार्थ्याना मार्गदर्शन केले. यावेळी शिबीरात मार्गदर्शन केलेल्या समीर चांदरकर, बाळ वाईरकर, मनोज काळसेकर, नम्रता पावसकर, विजयालक्ष्मी डगरे, वीणा म्हाडगुत, नम्रता पावसकर, सुवर्णा शिरोडकर यांचा सन्मान चिन्ह व प्रशस्ती पत्र देऊन सत्कार करण्यात आला. सर्व सहभागी मुलाना प्रशस्ती पत्र देऊन सन्मान करण्यात आला. सेवांगण परिवारातील सेवानिवृत्त शिक्षका डगरे मॅडम यांचा शाल श्रीफळ देऊन खास सत्कार करण्यात आला.
या शिबिरात सहभागी होऊन मुलांना मार्गदर्शन करता आल्या बद्दल समीर चांदरकर व समृद्धी म्हाडगुत यांनी समाधान व्यक्त केले. दुर्वा नाईक, सोहम मसूरकर, तनिषा म्हाडगुत, मधुर पेंडूरकर, खुशी वाईरकर, जय हडकर, पराग महाभोज, मिथील गुराम यानी सुंदर कथा सांगितल्या. श्लोक चांदरकर याने आपले मनोगत व्यक्त केले. कार्यक्रमाचे सूत्रसंचलन वैष्णवी लाड यानी केले. या समारंभास किशोर शिरोडकर, बापू तळावडेकर, प्रियांका भोगटे, पालक व मुले उपस्थित होते.
