बांदा पतंजली योग समितीचा उपक्रम;
जागतिक महिला दिनानिमित्त केला सन्मान
बांदा/प्रतिनिधी
जागतिक महिला दिनाच्या निमित्ताने बांदा पतंजली योग समिती मार्फत “शंभरी पार महिलांचा सत्कार ” हा उपक्रम राबविण्यात आला.
सिताबाई वासुदेव गवस (रा. नेतर्डे-गावठणवाडी), लिलावती वासुदेव कुडव (रा. लकरकोट पत्रादेवी रोड), लिलावती शिवराम कळंगुटकर (रा. बांदा-सटमटवाडी) या तीन महिलांचा औक्षण करून व साडी, शाल, पुष्पगुच्छ व श्रीफळ देऊन सन्मान करण्यात आला. गतवर्षी देखील हा उपक्रम राबविण्यात आला होता.
यावेळी योगवर्गातील सर्व साधक बंधू आणि भगिनी उपस्थित होत्या. शंभरी पार केलेल्या सर्व महिलांच्या घरी जाऊन त्यांना गौरविण्यात आले. यावेळी पतंजली योग समितीचे अध्यक्ष शेखर बांदेकर व पदाधिकारी उपस्थित होते.
फोटो :-
बांदा येथे शंभरी पार आजींचा सत्कार करताना बांदा पतंजली योग समितीचे साधक. (छायाचित्र – निलेश मोरजकर)
