⚡कणकवली ता.१४-: देश परदेशात लोकप्रिय ठरलेला मुंबई येथील सतिश भिडे यांचा ‘गीत वीर विनायक’ कार्यक्रमाचे आयोजन तळेरे येथे विविध ठिकाणी करण्यात आले आहे. या कार्यक्रमाला उपस्थित राहण्याचे आवाहन करण्यात आले आहे. हा कार्यक्रम बुधवार 15 फेब्रुवारी रोजी तळेरे आणि खारेपाटण येथे सादर होणार आहे.
1982 पासून स्वातंत्र्यवीर सावरकर यांच्या जीवनावर आधारित ‘गीत वीर विनायक’ हा संगीत कार्यक्रम भिडे सादर करतात. 3 हजारान्चा टप्पा गाठणारा हा कार्यक्रम देश आणि विदेशातही झाला असून त्याला उत्स्फूर्त प्रतिसाद मिळतो. स्वातंत्र्यवीर सावरकर यांच्या जीवनातील महत्वाचे प्रसंग निवेदन करुन ते सादर केले जातात. यामध्ये कोणत्याही राजकिय किंवा धर्म याविरुध्द काहीही बोलले जात नाही.
बुधवारी सकाळी 11 वा. वामनराव महाडीक माध्यमिक विद्यालय येथे, दुपारी 12 वा. विजयालक्ष्मी विश्वनाथ दळवी महाविद्यालय तळेरे येथे, दु. 2 वा. खारेपाटण माध्यमिक विद्यालय येथे हा कार्यक्रम होणार आहे. तर सायंकाळी 7 वा. तळेरे येथील संवाद परिवाराच्या मधुकट्टा येथे हा कार्यक्रम सादर होईल.
