वेंगुर्ला ता.०५-:* शासकीय रेखाकला परीक्षा २०२२च्या परीक्षेत उभादांडा येथील न्यू इंग्लिश स्कूलच्या विद्यार्थ्यांनी उज्ज्वल यश संपादन केले आहे. एलिमेंटरी ग्रेड परीक्षेला बसलेले १९ही व इंटरमिडिएट ग्रेड परीक्षेला बसलेले २५ही विद्यार्थी उत्तीर्ण होऊन निकाल १०० टक्के लागला.
इयत्ता दहावीतील विद्यार्थीनी मयुरी सुभाष मणचेकर हिने इंटरमिडीएट परीक्षेत ‘ए‘ ग्रेड तर एकूण १५ विद्यार्थ्यांनी ‘बी‘ ग्रेड प्राप्त केली. सर्व विद्यार्थ्यांना यु.यु.वाळवेकर, पी.एस. अंधारी, डी.आर.बोडेकर यांचे मार्गदर्शन लाभले. यशस्वी विद्यार्थ्यांचे मुख्याध्यापक उमेश वाळवेकर, संस्था चेअरमन विरेंद्र कामत-आडरकर, सेक्रेटरी रमेश नरसुले, व्हाईस चेअरमन रमेश पिगुळकर व संस्था कार्यकारिणी सदस्य तसेच पालक-शिक्षक संघ सदस्य यांनी अभिनंदन केले आहे.
