…. कदाचित नितेश राणे ६० हजार मतांनीच पराभूत होतील

संदेश पारकर: स्वतःच्या भावाला पक्षात न्याय देऊ शकले नाहीत ते दुसऱ्याला पक्षातून घेऊन काय न्याय देणार..?

⚡कणकवली ता.२६-: नितेश राणें सुरूवातीला 1 लाख मतांनी निवडून येणार असल्याचे बोलले होते. मात्र, आता ते 60 हजार मतांनी निवडून असे बोलत आहेत, असे असेल तर नक्कीच नितेश राणें हे ६० हजार मतांनी परभूत होतील, असा टोला महा विकास आघाडीचे कणकवली मतदारसंघ उमेदवार संदेश पारकर यांनी आज येथे लगावला. दरम्यान स्वतःच्या भावाला भाजपमध्ये ठेवता आले नाही. ते दुसऱ्याला पक्षात घेऊन काय न्याय देणार. त्यामुळे कणकवलीचे जनता नितेश राणेंच्या नौटंकीला आता बळी पडणार नसून त्यांचा पराभव 23 तारखेला निश्चित आहे, असा दावा देखील पारकर यांनी यावेळी केला.